密室恐懼電影自 97 年嘅 Cube 開始到 04 年嘅 Saw 大放異彩，之後每年都有唔同大大小小嘅電影以類似嘅型式發生。十幾年嚟大家都發現密室困住一班/一個人，然後慢慢解謎，同樣嘅公式開始有啲悶。

半年前見到《Don’t Breathe (禁室殺戮)》嘅宣傳覺得應該有啲驚喜，咁當美國八月尾上映就拎左兩個星期票房冠軍都知佢應該唔係小驚喜咁簡單啦！

故事就只係預告當中咁簡單，三個人睇中盲佬間屋有錢同易爆咁咪入去爆佢囉，點知個盲佬好似你玩《Dead by Daylight》啲外掛咁殺唔死仲點都知你喺邊。而最過份佢識鎖門，你想走唔玩咩，佢就迫你同佢困獸鬥。

儘管你覺得戲中嘅盲佬比蛇叔仲要強都好，整個過程你都比佢嘅「氣勢」壓倒，而且佢嘅演譯將有能力成為驚慄經典之一。整套戲除左頭五至十分鍾交待人物關係同何解要打劫後，之後嘅劇情的確緊張到令觀眾停止呼吸。

驚慄電影嘅愛好又好，密室電影嘅支持者都好，《Don’t Breathe (禁室殺戮)》唔會令大家失望。