絕對係懷疑早前我地既一篇《King Of Fighter XIV》最強角色排行！文章既關係，導致係《KOF 14》排行賽上面湧現大量 5強角色 (另加大量 K)，所以 SNK 方面為咗回應呢個問題就係東京遊戲展既第二日受日本遊戲媒體 4GAMER 邀請，由《KOF 14》製作人小田泰之同 Neo G 進行直播訪問。
以下係重點內容：
SNK 方面表示佢地而家就住目前為止收集到既 Fans 意見做緊 Patch，而且會著手 Fix Bug，例如 Just Defend。
訪問中講到其實佢地好早就知道 Just Defend 會造成特定既 Bug，但係佢地嘗試修復呢個 Bug 既時候就會有其他問題發生，所以亦到正在努力當中。而最多人認為要修改既就係角色平衡性問題，而 SNK 方面就正在確認要改幾多野，所以就仲未有大幅修改，現階段佢地仲係度測試緊效果。
而具體黎講，佢地都承認而家係 King of Hawk，即係娜可露露隻雀太屈機啦，佢地將會對呢個角色稍為調整令到呢個角色可以平衡咁黎競技，但係就唔會改變娜可露露既核心玩法。(即係無限上雀落雀 Loop?)
網友做既角色強度表，完全係 King of Hawk
唔想同佢玩丫！
另外線上排行賽方面，雖然已經有發佈過針對線上賽既 Patch，但係依然收到好多投訴，例如對戰對手會係同自己完全唔同級數，就住呢個問題係 10月份既 Patch 之中將會修復。
而新 Patch 亦都會增加拔線懲罰。現階段對拔線既玩家已經有好嚴厲既懲罰，不過就依然有人唔怕死，所以佢地係會再增加懲罰，務求要所有玩家都唔敢拔線。
大家玩某部份角色時候好容易錯指令，例如：Robert，而 SNK 就正在研究指令輸入問題，希望係新手同高手之間搵到個平衡點，呢點以後係會做調整。
SNK 將會係10月份出一個 Patch，希望能夠包括所有既修復同埋我地想做既改動。而《KOF 14》上市兩個月內就將會做平衡性調整，係因為「Ultra Street Fighter 4」經驗教訓我地格鬥遊戲既平衡性調整絕唔係一勞永逸，甚至有時只係為咗「容許玩家可以做更多既野」而進行改動。
以上係主要既訪問內容，係咁短既時間裡面就對玩家既意見有正面既回應，可以睇到今次 SNK 想將《KOF 14》再次推向格鬥 Game 王既決心，而且明年初就會有官方舉辦既大賽資訊，趁住而家快啲練啦！
回帶相關文章：
VJGamer總編，細細個已經蒲機舖，機齡甚深，熱愛電玩文化。