真係唔知話係創意爆燈定係係無野好出，而家連跟 Window 隻踩地雷都玩 VR……幾日前遊戲廠商 Funny Twins 係 Steam 度就出咗呢隻《MineSweeper VR》，即係你平時電腦玩開果隻踩地雷丫，而家配合埋 HTC Vive 就可以用 VR 踩啦。
呢隻野我諗唔洗點介紹啦下話？咁佢會跟埋普通模式同街機模式，都係跟返三個難度。除咗可以好似睇片咁直接用 Cursor 拆彈之外，仲可以用返虛擬旗仔同棍去玩既，都幾特別。比較可惜既係佢背景比較無癮，你話如果係諾曼弟搶灘咁黎踩既話成件事真係昇華都另一層次啦！
呢隻 Game 只有 PC Steam 版本，好平 30蚊就有啦，不過因為要配合 VR 既關係電腦建議配置最少有 NVIDIA GeForce® GTX 970 / AMD Radeon™ R9 290，以後就可以寸人話：「喂你部腦連踩地雷都行唔郁阿？」
VJGamer總編，細細個已經蒲機舖，機齡甚深，熱愛電玩文化。