唔係話鼓吹自殺，我講緊係《Suicide Squad (自殺特攻：超能暴隊)》。

故事設定係喺超人出現之後。[唔係穿橋啊，預告有講嘅！]

Amanda Waller (Viola Davis 飾 ) 就同政府要求組織一隊由一班極惡罪犯及超能力者組成嘅”Task Force X”小隊，可以幫政府或者世界做一啲唔見得光任務，同時如果任務失敗政唔上身之餘殺晒班罪犯就乾手淨腳，《Suicide Squad (自殺特攻)》就係咁而組成。

但任務係咩？敵人係邊個？大家自己入場睇！

「DC Extended Universe (DCEU)」已經去到第三套，大家都對頭兩套由 Zack Snyder 所導嘅風格有所不滿，轉一轉 David Ayer 編導希望有一番新氣像，但結果都係一般。整體劇情的確有導演陳述事件而非講故事嘅風格。

一班「壞人」救世界呢啲橋都唔係叫新穎，而每次都有一個好難駕馭嘅難題「壞人點解同咩原因要做好事？」今次《Suicide Squad》同樣去到呢個問題都係變到「夾硬嚟」。

角色雖然係多但好好嘅簡介同性格刻劃令觀眾好易掌握，當然 Harley Quinn (Margot Robbie 飾 ) 真係正到漏！如果冇佢的話，成套戲可能唔合格添！

Deadshot (Will Smith 飾 ) 同 Amanda Waller 叫喺《Suicide Squad》都孭重飛，可惜都只係不過不失，冇乜好特出嘅表現。

另外如果你係想為 Joker (Jared Leto 飾 ) 而入場的話，亦比定個心理準備你，死忠粉絲係會睇得有驚喜嘅，但 Mr. J 今次只係一個襯托同帶出 Harley Quinn (Margot Robbie 飾 ) 經歷嘅配角，想睇多啲就要等到新 Batman 先得啦。

提提你，Batman 同 The Flash 都有登場，但係 The Flash 真係得幾秒快到冇影，你錯過左就冇第二次啦！

整體的確冇左好多 《Man of Steel》同《BVS》嘅角色心理描寫，但以純娛樂片你唔帶腦睇視覺刺激係冇乜失望嘅。當然比我選擇我覺得 2014 年嘅《Batman: Assault on Arkham》故事更勝一籌。

(唔係掛？2016 Teen Choice Awards 佢係最受年輕族群期待電影喎！)

平常心

平常心

平常心

我講左啦，你仲係超期待就閣下自理！