《Halo Wars 2》係極少數係家用機上玩到而又有質素既 RTS Game，我地之前係E3試玩過的確係正既，咁啱啱美國聖地牙哥 ComicCon 入面 343 Industries就公佈咗最既新動畫影片啦。
咁《Halo Wars 2》既故事就係承繼 Halo 5 既劇情，將會分全新故事分成 13 個任務，今次既影片就係敘述隸屬於 UNSC 既成員係一個不知名既地方醒咗，之後就係為咗自保就戰鬥咁囉。遊戲保持住一貫既 Halo 風格，除咗遊戲模式之外，技能樹都滲透住好大陣 Halo 味，大家熟悉既貓鼬號，黃蜂號，天蠍等等都會出現，Fans 不容錯過，對未接觸過既朋友都係一個好機會去了解 Halo 龐大既世界觀！
熟悉既載具都有登場
遊戲將於 2017年2月21日上市，會有 Xbox One 同 Window 10 版本，最大支援 6人同時對戰，而今次既《Halo Wars 2》係納入咗 Xbox Play Anywhere 計劃，即係只要購買 Xbox One 或者 Window 10 既數位下載版就可以係另一個平台上面都玩到，咁真係幾吸引既……你知啦用手制玩 RTS 啦啵………….
另外一條故事影片，由遊戲製作人 Dan Ayoub 介紹將會係本作登場既新角色
VJGamer總編，細細個已經蒲機舖，機齡甚深，熱愛電玩文化。