新角色基本上係 Sombra 基本上都走唔甩架啦，但係除咗 Sombra 之外會唔會仲有其他角色登場，甚至係已經透露咗係遊戲入面既彩蛋呢，答案係 Yes！係之前 Blizzard 官方 Twitter 已經證實咗呢點，而家我地就為大家 List 出其他可能係新角既彩蛋啦！

Soundquake

呢個名係出現於官方短片入面，細佬同阿哥提到 Soundquake，而且心口識發射飛彈，係遊戲入面搵到疑似乎合呢點既就只有呢隻大舊佬

係 Winston 既角色短片 Recall 入面，Overwatch 原成員資料亦都有佢份

係國王大道地圖會搵到疑似係 Soundquake 既圖片

官方影片第一次出現 Soundquake呢個名

Hunter X

係花村地圖預備房入面既多層遊戲機中心，會發現有多張呢位角色既既海報，而且大部份既海報伴隨住一個巨大既身影，據估計角色名叫做 Hunter X

似乎一人一機加埋既組合就叫做 Hunter X

Super Machine 2 話到明比你聽係機械野

似乎係駕駛倉既相，亦都透露咗所屬公司係 Cyber Optics

係同一間機舖入面有好大張 D.Va 既廣告，根據原本 D.Va 既設定佢係泡菜政府所招募既職業電競選手團隊其中一員，有理由相信 Hunter X 會係第二位隊員。如果估計屬實咁呢個角色就會係類似 D.Va 咁，會操控住機械戰鬥。

Athena

本身係 Winston 電腦 AI 系統，係教學模式入面都會聽到佢把聲，係地圖捍衛者基地：直布羅陀既準備室入面亦都會見到 Athena 既 Logo，佢既存在感就刷得好足架啦，咁首先就睇下個 Logo 回億下係點先。

Gay地入面 Athena 既蹤影

再黎睇下官方圖片呢位機械角色個額頭

原 Overwatch 成員資料有疑似 Athena 前身既人物

基本上 Athena 都幾大機會登場，爭在既係時間問題幾時登場嗟

Doomfist

個人認為係必定會出角色，原因好簡單，太多地方透露咗呢個角色既特性，講得最多既亦係上面 Po 過條片，透露咗好多玄機！

影片入面出現既拳套就係 Doomfist 既武器

個大絕係點都話埋你聽

除咗呢條片之外，有無留意係努巴尼地圖推架車，上面係運載住呢個拳套架！

係準備房入面亦有顯示拳套既掃描

當然唔少得既係地圖上面充斥住 DoomFist 既廣告

綜合上面，可以睇到黎緊每個類別都有一位人選加入，大家睇下仲有無邊啲彩蛋未搵到，事關官圖最左手邊果兩位仲未搵到資料架！

相關文章：

《Overwatch》新角色情報流出消息！