話就話E3完左啦，但其實仲有唔少好野要介紹嘅！

《Lords of the Fallen》開發商Deck13之前都公佈過有關新作《The Surge》嘅一啲設定同故事大綱。

喺未來嘅反烏托邦世界當中，人同機械科技進一步融合。玩家可以用生化科技升級自己身體同機甲，並且進行有戰術性嘅近身戰。(未來科技冇槍？)

講故就唔好駁故，最重要係好唔好玩先？講就話好似《Dark Souls》咁嘅遊戲模式大家都明啊！(你睇下隻《仁王》就更明我想講乜啦！=.=#)

《The Surge》仲有一個賣點就係佢可以鎖定某部位作攻擊目標並且將其破壞或者斬斷。破壞後嘅敵人部件可以作自己機甲升級之用。當然敵人部位都有強弱，為擊殺定為強化部件就睇玩家取捨。

但係暫時都未公佈有冇多人合作模式，如果冇都真係幾大件事。單機玩《Dark Souls》真係你玩埋佢啦！

咁E3上 IGN 就訪問左製作團同實機試玩，睇到真係「集百家之大成」但又好似幾玩得過咁喎。

《The Surge》預定 2017 年 於Xbox One、PC、PS4登陸。